Samsung kompaniýasy dünýäde ilkinji 130 dýuýmlyk Micro RGB tehnologiýasy bilen enjamlaşdyrylan R95H modelini tanyşdyrdy. Täze önümiň tanyşdyrylyşy Las-Wegasda geçirilýän halkara elektronika sergisi bolan CES 2026-yň çäginde boldy.
Samsung Electronics kompaniýasynyň wizual displeýler bölüminiň ýerine ýetiriji wise-prezidenti Hun Liniň sözlerine görä, bu tehnologiýa “şekil hili babatynda innowasiýalaryň iň ýokary derejesidir”.
Telewizor binagärlik formalaryndan ylham alnyp döredilen Timeless Frame atly konseptual çarçuwa ýerleşdirilipdir. Bu dizaýn ekranyň howada gaýyp duran illýuziýasyny döredýär we enjamy interýeriň merkezi elementine öwürýär. Çarçuwanyň içine gurnalan akustiki ulgam bolsa, otagy goşmaça kolonkalardan we simlerden azat edýär.
R95H modeliniň "içki dünýäsi" hem dizaýny ýaly täsirli:
- Micro RGB AI Engine Pro we Color Booster Pro: Bu intellektual ulgamlar neýron torlaryny ulanyp, şekili şol pursatda (reallykda) işläp düzýär, ýagtylygy we kontrasty optimallaşdyrýar.
- Precision Color 100: Iň garaňky ýa-da iň ýagty sahnalarda hem reňkleriň doly, janly we tebigy öwüşginlerini saklap, iň uşak jikme-jiklikleri görkezmegi üpjün edýär.
- Glare Free örtügi: Gün şöhlesinden ýa-da öýdäki çyralardan düşýän ýalkymy (blik) aradan aýryp, islendik ýagtylykda oňaýly tomaşa etmäge mümkinçilik berýär.
Täze önümiň satuwa çykaryljak senesi we bahasy häzirlikçe mälim edilmedi.
