Samsung-yň flagman smartfony Galaxy S26 Ultra resmi taýdan yglan edilendäkiden has ýokary zarýad alyş tizligini görkezdi. Tanyşdyryş wagtynda kompaniýa Super Fast Charging 3.0 tehnologiýasy arkaly enjamyň 30 minutda 75%-e çenli zarýad alyp biljekdigini habar beripdi.
Emma geçirilen ilkinji garaşsyz barlaglar başgaça netijeleri ýüze çykardy. Ice Universe insaýderiniň berýän maglumatyna görä, smartfon 30 minutda takmynan 80% zarýad alyp ýetişýär. 37 minutdan soň zarýadyň derejesi 91%-e ýetýär, doly 100% zarýad almagy üçin bolsa bary-ýogy 50 minut töweregi wagt gerek bolýar.
Apple kompaniýasynyň esasy bäsdeşi bilen deňeşdirilende, Galaxy S26 Ultra-nyň görkezijileri has gowa meňzeýär. iPhone 17 Pro Max ilkinji 30 minutda 65%-e çenli zarýad alýar, batareýasynyň doly dolmagy üçin bolsa 1 sagat 12 minut wagt gerek bolýar. Şunlukda, Samsung-yň flagmany doly zarýad almakda bäsdeşinden takmynan 22 minut öňe geçýär.
