San-Fransiskoda geçirilen Galaxy Unpacked 2026 çäresinde Samsung kompaniýasy täze Galaxy S26 Ultra smartfonyny hödürledi. Bu flagman diňe bir kuwwatlylygy bilen däl, eýsem şahsy gizlinligi goramak ukyby bilen hem tapawutlanýar.
Kompaniýa bu gezek titan korpusyň ýerine alýumini ulanmagy makul bildi. Munuň sebäbi alýuminiň gyzgynlygy has gowy sowatmagy we täze, kuwwatly prosessoryň netijeli işlemegine ýardam etmegidir. Dizaýn tarapdan smartfon has sadalaşdyryldy: burçlary az-kem tegelenen, ekrany tekiz we kameralary dikligine ýerleşdirilen «adajyk» dizaýnyna eýe boldy.
6,9 dýuýmlyk Dynamic AMOLED 2X ekrany täze nesliň şöhlelenmä garşy aýnasy bilen üpjün edildi. Iň uly täzelik — Privacy Display funksiýasydyr. Bu tehnologiýa ekrana gapdaldan seredýänlere ony gara reňkde görkezýär. Şeýlelikde, jemgyýetçilik ýerlerinde parollaryňyzy ýa-da şahsy hatlaryňyzy beýlekilerden gizläp bilersiňiz.
Esasy 200 megapiksellik kamera moduly gijeki suratlary has aýdyň alýar. 5 esse optiki zoomly teleobýektiw bolsa has köp ýagtylygy kabul edip, jikme-jiklikleri saklaýar. Smartfon 8K we 4K (120 kadr/sek) formatynda ýokary hilli wideolary düşürip bilýär, täze stabilizasiýa ulgamy bolsa gorizonty saklamaga kömek edýär.
Tehniki Kuwwaty
- Prosessor: Ähli bazarlar üçin Snapdragon 8 Elite Gen5 for Galaxy.
- Ulgam: Android 16 we One UI 8.5. 7 ýyllyk täzelenme kepilligi bar.
- Emeli aň: Gemini we Perplexity esasyndaky täze AI funksiýalary we tebigy sesi tanaýan Bixby kömekçisi.
- Zarýad: 5000 mAs batareýa we 60 Wt çalt zarýad beriş ulgamy.
- Täze tehnologiýa: Bluetooth 6.0 arkaly enjamlaryňyzy santimetr takyklygynda tapyp bilersiňiz.
Deslapky sargytlar eýýäm 28-nji fewrala çenli dowam edýär. Resmi satuwlar 2026-njy ýylyň 11-nji martynda başlar.
- 12/256 GB görnüşi — 1450 ýewro
- 12/512 GB görnüşi — 1650 ýewro
- 16 GB / 1 TB görnüşi — 1950 ýewro
