Londoniň «Çelsi» toparynyň täze baş tälimçisi häzirki wagtda Fransiýanyň «Strasburg» klubuna ýolbaşçylyk edýän Liam Rosenýor bolar. Hünärmeniň özi bu maglumaty insaýder-žurnalist Fabrisio Romano bilen bolan söhbetdeşliginde tassyklady.
Žurnalist Rosenýoryň: «Hawa, men dünýäniň iň gowy klublarynyň biri bolan „Çelsiniň“ täze baş tälimçisi bolmaga taýýarlanýaryn» diýen sözlerini getirdi.
Mundan ozal, 1-nji ýanwarda «Çelsiniň» ýolbaşçylygy baş tälimçi wezipesini eýeläp gelen Enso Mareskany wezipesinden boşadypdy.
Rosenýor 41 ýaşynda. Ol ozal Angliýanyň üçünji we ikinji diwizionlarynda çykyş edýän «Derbi» we «Hall» toparlarynda işledi. 2024-nji ýyldan bäri hünärmen «Strasburga» tälim berýär. Bu klub iş ýüzünde «Çelsiniň» farm-kluby (kömekçi topary) hasaplanýar, sebäbi toparlaryň eýeleri birdir.
Häzirki möwsümde «Strasburg» Konferensiýalar ligasynyň toparlaýyn tapgyrynda ýeňiji boldy we Fransiýanyň 1-nji ligasynda ýedinji orunda barýar.
