Kembrij uniwersitetiniň we Google DeepMind-yň ylmy gözlegçileri uly dil modellerinde (LLM) «şahsyýetiň» bardygyna ýa-da ýokdugyna baha bermegiň ilkinji ylmy esasly usulyny hödürledi.
Çemeleşme üçin esas bolup adamlaryň häsiýetine baha bermek üçin ulanylýan adaty psihologik testler hyzmat etdi. Alymlar topary şeýle testleri ýörite neýroulgamlar üçin sazlady. Netijeler emeli aňyň diňe bir adam häsiýetlerine öýkünmäge ukyply bolman, eýsem EA-nyň häsiýetini takyk sazlap bolýandygyny görkezdi.
Alymlaryň usuly häsiýetleriň «uly bäşligine»: açyklyga, wyždanlylyga, ekstrawersiýa, hoşniýetlilige we newrotizme daýanýar. Synaglar uly dil modelleriniň özüni durnukly we kesgitli alyp barýandygyny, kiçi modelleriň özüni alyp barşynyň bolsa durnuksyzdygyny görkezdi.
Hünärmenler EA-nyň şahsyýetini her bir häsiýet üçin dokuz derejede sazlamagy öwrendi. Mysal üçin, çat-boty has alçak ýa-da emosional taýdan durnuksyz edip bolýar, bu hem onuň tekst ýazmak ýaly ýumuşlary ýerine ýetiriş stiline gönüden-göni täsir edýär.
Awtorlar manipulýasiýa töwekgelçilikleri barada duýdurýar we şeýle ulgamlary köpçülikleýin elýeterli etmezden ozal açyk koduň kömegi bilen hökman barlamalydygyny belleýär.
Ylmy gözleg Nature Machine Intelligence žurnalynda neşir edildi.
