Xiaomi kompaniýasy 8-nji ýanwarda resmi tanyşdyrylyşy boljak Poco M8 smartfonynyň tehniki aýratynlyklaryny mälim etdi. Öndüriji täze smartfonyň öz hatarynda iň berk egri displeý bilen üpjün ediljekdigini aýdýar.
Kompaniýanyň maglumatlaryna görä, smartfon durulygy 2392 x 1080 piksel bolan 6,77 dýuýmlyk AMOLED ekranyna eýe bolar. Bu bolsa tas 20:9 tarap gatnaşygyna deňdir.
Displeý 120 Gs kadr ýygylygyny goldaýar, iň ýokary ýagtylyk bolsa 3200 kd/kw.m ýetýär. Enjamyň korpusy MIL-STD-810H harby standarty boýunça goralýar we IP66 boýunça suwdan goraga eýedir. 178 g agramda korpusyň ýogynlygy 7,35 mm bolar, bu hem ony segmentde iň inçe smartfona öwürýär.
Şeýle-de, smartfon SoC Snapdragon 6 Gen 3 prosessoryna esaslanýar. Üpjünçilige 50 Mp kamera we 5520 mA/sag sygymly akkumulýator batareýasy girýär.
