Disney 2025-nji ýylda iň girdejili kinostudiýa we bazarda kassa ýygymy 6 mlrd dollardan geçen ýeke-täk kinokompaniýa boldy. Umumy girdejiniň 2,3 mlrd dollary ABŞ-nyň paýyna düşdi, 3,65 mlrd dollary bolsa halkara bazarlarda gazanylan girdejiler emele getirdi diýip, Deadline habar berýär.
Kompaniýa şu ýyl 16 sany uly reliz çykardy, olaryň arasynda «Awatar» franşizasynyň üçünji filmi hem bar. Iň üstünlikli taslama prokatda 1,3 mlrd dollar ýygnan «Haýwanlar şäheri 2» animasion filmi boldy. Bu mukdar Disney-e degişli bolan Marvel Studios-yň geçip barýan ýyldaky ähli filmleriniň umumy girdejisi bilen deňdir.
Gazanylan netijeleriň esasynda kompaniýa animasion filmiň indiki bölüminiň önümçiligine başlamak kararyna geldi. Üçünji filmiň dörediljekdigini «Haýwanlar şäheri 2-niň» režissýorlary hem tassyklady. Premýera, çen-takmyn, 2030-njy ýyla meýilleşdirilýär.
2025-nji ýylyň jemi korporasiýa üçin 2019-njy ýyldan bäri iň gowusy diýlip hasaplanýar. Alty ýyl ozal studiýanyň umumy kassa ýygymy 13 mlrd dollardan gowrak bolup, taryhy iň ýokary derejä ýetipdi.
