2025-nji ýylda magnit tupanlarynyň bolan günleriniň sany soňky on ýylda iň ýokary görkezijä, geomagnit-gozganma günleriniň umumy sany bolsa soňky ýigrimi ýylda iň ýokary derejä ýetdi. Bu barada RYA-nyň Kosmos gözlegleri institutynyň we Gün-Ýer fizika institutynyň Gün astronomiýasy barlaghanasy habar berdi.
Bilermenleriň hasaplamalaryna görä, ýylyň başyndan bäri magnit tupanlary 69 günde hasaba alyndy, 2024-nji ýylda bu görkeziji bary-ýogy 44 güne deňdi.
«Kp indeksi 4-e we ondan ýokary derejä (sary we gyzyl dereje) ýeten geomagnit gozganmalary bolan günleriň umumy sany has-da ýokary boldy. Olar 94-e garşy 164 gün, ýagny 75% köp boldy» — diýip, alymlar habar berdi.
Bilermenler Gün işjeňliginiň ýokarlanmagynyň sebäbi hökmünde onda koronal deşikleriň köpçülikleýin emele gelmegini belleýär. Olaryň sanynyň azalmak alamatlarynyň ýokdugy sebäpli, tupanlaryň ýokary derejesi 2026-njy ýylyň ilkinji aýlarynda-da saklanyp biler. Şu ýyl G4 derejeli üç tupan hasaba alyndy: ýanwar, iýun we noýabr aýlarynda.
