Nýu-Ýork şäheriniň polisiýa bölümi (NYPD) Roždestwo baýramyny ogurlamaga synanyşmakda aýyplanýan meşhur Grinçiň gözlegini yglan etdi. Şäher dolandyryşy jenaýatçynyň tapylmagyna kömek edene 10 000 dollara çenli pul baýragyny wada berdi. Bu baradaky degişme äheňli habar polisiýanyň "X" (öňki Twitter) sosial media hasabynda paýlaşyldy.
Polisiýanyň berýän maglumatyna görä, "jenaýat" Roždestwo gijesi şäheriň dürli künjeklerinde amala aşyrylypdyr. Bildirişde şeýle diýilýär:
"2025-nji ýylyň 24-nji dekabrynda, çarşenbe güni ýary gijäniň öň ýanynda, Grinç Nýu-Ýorkuň akyllyja çagalarynyň arçalarynyň aşagyndan oýunjaklary we sowgatlary ogurlap barýarka wideogözegçilik kameralaryna düşdi".
Grinç kim?
Grinç — meşhur ýazyjy Doktor Sýuzyň 1957-nji ýylda çap edilen "Grinç Roždestwony nädip ogurlady" atly kitabynyň baş gahrymanydyr. Ol baýramçylygy halamaýan, ýaşyl reňkli, adamşekilli jandardyr.
Netije: Polisiýa gullugy habaryň dowamynda degişli fotoroboty hem köpçülige hödürledi. Gysga wagtyň içinde hukuk goraýjy edaralaryň wekilleri "jenaýatçynyň" tapylandygyny we baýramçylygyň halas edilendigini habar berdiler.
