Jaguar sessiz-üýnsüz içinden ýandyrylýan hereketlendirijili awtomobilleriň önümçiligini tamamlady. Soňky krossower F-Pace Angliýanyň Solihall şäherindäki zawodda öndürildi. Bu barada model üçin hoşlaşyk çäresine gatnaşan markanyň muşdaklar klubunyň agzalary sosial ulgamlarda habar berdi.
Zawodda kompaniýanyň işgärleri – F-Pace taslamasynyň üstünde işlän inženerler we menejerler ýygnandy. Içinden ýandyrylýan hereketlendirijili hoşlaşyk awtomobili gara F-Pace SVR boldy. Markanyň muşdaklarynyň aýtmagyna görä, reňkiň saýlanmagy meşhur E-Type sportkaryna salgylanma boldy. 1970-nji ýyllaryň ortalarynda onuň önümçiliginiň bes edilmegi hem «Jaguar-yň ýene bir beýik eýýamynyň soňuny» alamatlandyrypdy.
Soňky F-Pace ulagy Jaguar Daimler Heritage Trust gaznasynyň muzeý kolleksiýasyna goşuldy.
Geljekde brend elektromobillere ünsi jemlär. Jaguar häzir Type 00 konseptiniň esasynda döredilen doly elektrik modelini çykarmaga taýýarlanýar. Ilkibaşda önümçilik wersiýasyny 2025-nji ýylyň ahyryna çenli hödürlemek meýilleşdirilipdi, ýöne premýera 2026-njy ýyla süýşürildi. Täze ulagyň, takmynan, 1000 at güýjüni berýän üç hereketlendirijili güýç enjamyny almagyna garaşylýar.
