Walt Disney Pictures studiýasy 2026-2027-nji ýyllar üçin relizleriň senenamasyna gaýtadan seredip, birnäçe uly taslamalaryň çykjak senelerini üýtgetdi diýip, The Hollywood Reporter ýazýar.
Täze tertip boýunça, Ridli Skottyň «Köpek ýyldyzlar toplumy» (Созвездие Пса) atly ylmy-fantastik filmi ABŞ-da, ozal meýilleşdirilişi ýaly, 27-nji martda däl-de, 28-nji awgustda çykar.
Filme Jeýkob Elordi, Margaret Kuolli, Joş Brolin we Gaý Pirs gatnaşdy. Film Piter Helleriň 2012-nji ýyldaky «Köpek ýyldyzlary» romanyna esaslanýar. Film adamzadyň aglaba bölegini ýok eden näbelli wirus epidemiýasyndan soň geljekdäki wakalary beýan edýär. Baş gahryman Hig atly uçarman bolup, ol Koloradodaky taşlanan howa menziliniň angarynda iti bilen ýaşaýar. Radiosignaly eşidip, ol diri galanlaryň gözlegine ugraýar.
Üýtgeşme beýleki relizlere-de täsir etdi. Mysal üçin, Pixar-yň «Gatto» multfilmi 2027-nji ýylyň 17-nji iýunyndan 5-nji martyna geçirildi. Taslama barada ozal Pixar-yň döredijilik müdiri Piter Dokter Ansidäki animasion kino festiwalynda aýdypdy.
Mundan başga-da, «Men gözlemäge başlaýaryn 2» (Я иду искать 2) horrory iki hepde ir – 2026-njy ýylyň 10-njy apreliniň deregine 27-nji martynda çykar.
