Saud Arabystanynyň garaşsyz gaznasy (PIF) 2034-nji ýylyň futbol boýunça dünýä çempionaty üçin stadion gurluşygynyň çykdajylaryny azaltmak kararyna geldi. Çykdajylary azaltmak meýilnamalary barada The Guardian neşiri habar berýär.
Gazetiň maglumatlaryna görä, ozal şertnama alan arhitektura býurolaryna tenderlere gaýtadan gatnaşmak teklip edilýär. Ilkibaşdaky taslamalar «aşa çykdajyly» hasaplandy. Şeýle-de, potratçylara işleriň başlanjak möhletiniň süýşüriljekdigi barada duýduryldy, ýöne gaznanyň özi ýagdaýyň üýtgemändigini aýdýar.
Sport desgalarynyň gurluşygy ykdysadyýeti diwersifikasiýalaşdyrmaga, infrastrukturany we syýahatçylygy ösdürmäge gönükdirilen Vision 2030 maksatnamasynyň bir bölegidir. Maksatnamanyň býujeti PIF-iň serişdeleriniň hasabyna emele gelýär. Onuň işi bolsa, esasan, nebit eksportyndan gelýän girdejilere bagly. Dekabrda Aramco nebitgaz kompaniýasy OPEK ýurtlarynda islegiň pese gaçmagy we teklibiň artykmaç bolmagy sebäpli bahalary peseltdi.
Saud Arabystany 2034-nji ýylyň dünýä çempionatynyň guramaçysy hökmünde resmi taýdan tassyklandy. Ýaryşy noýabr-dekabrda geçirmek meýilleşdirilýär.
