Belgiýanyň Ženap kommunasyndaky «Napoleonyň soňky ştab-kwartirasyndan» Napoleon Bonaparta degişli bolan bäş göwherli altyn ýüzük ogurlandy. Ogurlyk barada Belgiýanyň RTBF teleradioýaýlymy habar berdi.
KHBS-iň maglumatlaryna görä, jenaýat 18-nji dekabra geçilýän gije boldy. Iki ogry aýnany döwüp, binanyň içine girdi, şondan soň birnäçe witrinalary açyp, eksponatlary ogurlady. Ýüzükden başga-da, muzeýden Napoleon döwrüniň altyn we kümüş teňňeleri ýitdi.
Ogurlanan ýüzük 18 karat altyndan ýasaldy. Taryhçylar ony 1815-nji ýylyň 18-nji iýunyndaky wakalar bilen baglanyşdyrýar – ol imperatoryň Waterlooda ýeňlenden soň gaçan wagty tapyldy. RTBF ýiten predmetleriň taryhy gymmatlygynyň olaryň bazar bahasyndan has ýokarydygyny belleýär.
Ogurlykdan soň muzeý howpsuzlygy güýçlendirmek we binany dikeltmek üçin iki günlük ýapyldy. Häzir ol myhmanlar üçin ýene açyk. Wallon Brabant prokuraturasy derňew işlerini geçirýär.
