Italiýanyň milli seýilgähinde bäş kilometrlik ýerde 20 müň töweregi dinozawr yzy tapyldy. Ozal bu ýerde şeýle tapyndy bolmandy diýip, NBC News ýazýar.
Bu ýeri tötänleýin ýabany tebigaty düşürýän fotosuratçy Della Ferrera tapdy. Ol 2026-njy ýylyň gyşky Olimpiýa oýunlarynyň geçiriljek ýeriniň golaýynda ýerleşýär.
Paleontologlar bu yzlaryň hakykydygyny tassyklady. Hünärmenler olaryň ýaşyny 210 mln ýyl diýip hasaplaýar.
Ylmy gözlegçileriň pikiriçe, yzlar uzyn boýunly iki aýakly ot iýýän haýwanlara degişli bolupdyr. Olaryň uzynlygy 10 metre, agramy bolsa dört tonna çenli ýetipdir. Käbir yzlaryň ini 12 metre barabar; dinozawrlaryň el-aýaklarynda dyrnagyň bolandygy çak edilýär. Tapyndynyň häsiýeti haýwanlaryň süri bolup hereket edendigini we ýolda saklanandygyny görkezýär.
