Pan-Aziýa halkara synag meýdançasynda Exeed Exlantix ES BEV seriýaly elektrik sedany dünýä rekordyny goýdy we resmi taýdan Ginnesiň rekordlar kitabyna girizildi. Bu üstünlik 30 sekundyň içinde hereket edip barýan iň köp ulaglaryň arasyndan geçmek" diýlip hasaba alyndy.
Synag şertlerine görä, ulag göni çyzyk boýunça durnukly tizlikde barýan azyndan 13 sany awtoulagyň arasyndan dinamiki "ýylan" (zmeýka) öwrümini ýerine ýetirmelidi. Iş ýüzünde bolsa ulag kerweni sagatda takmynan 70 km tizlik bilen barýardy, olaryň arasyndaky aralyk bolsa 30 metr töweregidi. Öwrümleri ýerine ýetirmek üçin 30 sekunt wagt berlip, jemi üç synanyşyga rugsat berildi.
Netijede, Exeed Exlantix ES 29,893 sekuntda hereket edýän 16 awtoulagyň arasyndan "ýylan" görnüşli öwrümleri edip geçmegi başardy. Ilkinji awtoulagy geçip başlan pursadynda elektrik sedanynyň tizligi 132 km/s-a ýetdi, ýaryş wagtyndaky iň ýokary tizligi bolsa 140 km/s boldy. Bu kategoriýada öň şuna meňzeş rekord synanyşygy hasaba alynmandy.
Awtomobil 353 kWt kuwwatly iki motorly güýç gurluşy, aýlaw pursadyny intellektual paýlaýan doly çekiji (AWD) ulgamy, 21 dýuýmlyk tekerler we işjeň yzky spoýler bilen üpjün edilen.
Exlantix — Hytaýyň EXEED (Chery kompaniýasyna degişli) awtoöndürijisiniň täze premium subbrendi bolup, ol kaşaňlygy, ösen tehnologiýalary we ýokary dinamikany özünde jemleýän tehnologik elektrik we gibrid awtoulaglaryny öndürýär.
