Müsürdäki Aýn-Sohna porty gury ýerde döredilen dünýäde iň çuň emeli port akwatoriýasynyň eýesi hökmünde resmi taýdan Ginnesiň rekordlar kitabyna girizildi. Duralganyň çuňlugy 19 metre barabar diýip, Al-Ahram Establishment habar berýär.
Şeýle çuňluk portuň iň uly deňiz gämilerini kabul edip biljekdigini aňladýar. Bu Aýn-Sohnanyň mümkinçiliklerini giňeldip, Müsüriň halkara söwdasyndaky we logistikadaky ornuny güýçlendirýär.
Ginnesiň ygtyýarly emini El-Dafrawi Rekordlar kitabynyň şahadatnamasyny Müsüriň premýer-ministriniň orunbasary hem-de senagat we ulag ministri Kamel al-Wazira gowşurdy. Dabara Gyzyl deňziň kenarynda ýerleşen porta sapar mahaly geçirildi.
Saparyň dowamynda Kamel al-Wazir Hutchison konteýner terminalynyň synag ulanylyşy bilen hem tanyşdy. Terminal Aýn-Sohna portunda işleýär we Gyzyl hem Ortaýer deňizlerini birleşdirýän uly ulag geçelgesiniň bir bölegidir.
