«Pari Sen-Žermeniň» fransiýaly hüjümçisi Usman Dembele Halkara futbol federasiýasy (FIFA) tarapyndan 2024/25 möwsüminiň iň gowy oýunçysy diýlip ykrar edildi. Bu barada gurama Dohada geçirilen The Best FIFA Football Awards dabarasynda yglan etdi.
Ýeňiji milli ýygyndylaryň baş tälimçileriniň we kapitanlarynyň, şeýle-de sport žurnalistleriniň we janköýerleriň ses bermegi arkaly kesgitlendi.
The Best FIFA Football Awards baýragy üçin beýleki dalaşgärleriň arasynda Kilian Mbappe («Real»), Rafinýa («Barselona»), Aşraf Hakimi, Nunu Mendeş, Witinýa (hemmesi - «PSŽ»), Garri Keýn («Bawariýa»), Koul Palmer («Çelsi»), Mohamed Salah («Liwerpul») we Lamin Ýamal («Barselona») bardy.
Yzygider üçünji gezek möwsümiň iň gowy zenan futbolçysy hökmünde «Barselonadan» ispaniýaly Aýtana Bonmati saýlandy. Mundan öň ol «Altyn topuň» üç gezek eýesi boldy.
Bir ýyl ozal erkekleriň arasynda bu baýragy «Realyň» braziliýaly wingeri Winisius Žunior alypdy.
