Braziliýanyň Guaýba şäherinde (Riu-Grandi-du-Sul ştaty) Havan uniwermagynyň öňünde oturdylan Azatlyk heýkeliniň 35 metrlik nusgasy ýykyldy. Waka 15-nji dekabrda güýçli tupan wagty bolup geçdi.
G1 neşiriniň şäher häkimi Marselo Maranata salgylanyp habar bermegine görä, ýadygärligiň 24 metrlik ýokarky bölegi ýumruldy. 11 metrlik binýada bolsa zyýan ýetmedi. Wakanyň netijesinde pida bolan ýa-da zyýan çeken adam ýok. Wakanyň bolan ýeri derrew çäklendirildi, gurluşykçylar bolsa zyýan ýeten ýadygärligi söküp başlady.
Heýkeliň ýykylmagynyň sebäbi adatdan daşary howa şertleri boldy. Sebitde tizligi 90 km/sag-dan gowrak bolan güýçli ýel sebäpli duýduryş yglan edildi.
