Amerikanyň Ýuta ştatynda eýýäm bäşilenji gün bäri uly tokaý ýangynyny söndürmek işleri dowam edýär. ABC News ýaýlymynyň habar bermegine görä, ýangynyň öňüni almak işlerine müňden gowrak ýangyn söndüriji gatnaşýar.
Ýangyn duşenbe güni Kottonwud şäheriniň golaýynda başlandy we onuň meýdany eýýäm 28,5 müň gektara ýetdi. Yssy howa we güýçli şemal sebäpli soňky bir gije-gündiziň dowamynda ot alawlary ýene-de takmyndan 4 müň gektar meýdana ýaýrady.
Bu adatdan daşary ýagdaý sebäpli sebitdäki ýaşaýjylary howpsuz ýere göçürmek yglan edildi.
Ýerli häkimiýetleriň berýän maglumatyna görä, ýangynyň sebäbi adamlardan ýeten bolmaly. Şeýle hem ýagdaýyň gidioşinden çen tutsaň, bu ýangynyň Ýuta ştatynyň taryhyndaky iň uly tokaý ýangyny bolup biläýmegi-de juda ähtimal.
