Porsche kompaniýasy Formosa diýlip atlandyrylan 911 Carrera T sport awtoulagynyň aýratyn nusgasyny hödürledi.
Bu özboluşly awtoulagyň bezegi, taryhda portugaliýaly deňizçiler tarapyndan "owadan ada" diýmekligi aňladýan Formoza ady bilen tanalýan Taýwanyň tebigy gözelliklerine bagyşlanandyr.
Sportkaryň kuzowy adany ýuwýan Ýuwaş ummanynyň suwlaryny aňladýan, ýörite Ipanema Blue Metallic atly gök reňk bilen reňklenendir. Gündogar kenar ýakasyndaky gaýaly gerişler, aýna gyralary we nyşanlar üçin ulanylan Suzuka Grey Metallic çal reňkli aksentlerde öz beýanyny tapýar. Daşky görnüşi ak reňkli RS Spyder tigir diskleri we garaňkylaşdyrylan optika bilen tamamlanýar.
Awtoulagyň interýeri Taýwanyň daglyk landşaftyndan ylham alýar. Ol paldao agajynyň ulanylmagy bilen bezelen bolup, oturgyçlar goňur we gara deri bilen örtülendir. Oturgyçlarda ilkinji gezek şeýle reňk utgaşmasyndaky mata ulanyldy. Bularyň ählisi Formosa x Sonderwunsch ýazgyly yşyklandyrylýan bosaga örtükleri, şeýle hem ýassyklaryň üstünde deňziň we daglaryň fonunda 911 Carrera T-niň şekiliniň basylyp çykarylan silueti bilen doldurylýar. Ýük bölüminiň örtügi Formosa ýazgyly keşde bilen bezelendir.
Mundan ozal Porsche, ýabany pişik ady bilen atlandyrylan 911 GT3 modeliniň hem özboluşly wersiýasyny hödürläpdi.
