Coldplay, U2 we Ed Şiran köp konsert beren meşhur artistleriň sanawynda öňdebaryjylar boldy

Pollstar neşiri 2001-nji ýyldan 2025-nji ýyl aralygyny göz öňünde tutup, işjeň konsert beren meşhur 25 artistiň reýtingini düzdi. Maglumatlar petek satuwyna esaslandy. Görkezilen 25 ýylda 25 artist 340 milliondan gowrak petek satdy we 35,7 milliard dollardan gowrak girdeji gazandy.

Sanawda birinji orny Coldplay topary eýeledi. 2001-nji ýyldan bäri ol 731 konsert berdi we 24,8 milliondan gowrak petek satdy. Olaryň 2022-nji ýylda başlan soňky «Music of the Spheres» konsert syýahaty 2027-nji ýylda tamamlanmaly we eýýäm taryhda iň köp gatnaşylýan syýahat boldy.
Ikinji orunda 20,2 million satylan petek bilen U2 topary, üçünji orunda 19,6 million petek bilen Ed Şiran ýerleşdi. Dördünji orny 19,55 million petek bilen Dave Matthews Band, bäşinji orny bolsa 18,9 million petek bilen Teýlor Swift eýeleýär.
2001-2025-nji ýyllaryň işjeň konsert beren meşhur artistleriniň doly sanawy:

1. Coldplay — 24,8 mln petek
2. U2 — 20,2 mln
3. Ed Şiran — 19,6 mln
4. Dave Matthews Band — 19,55 mln
5. Teýlor Swift — 18,9 mln
6. Brýus Springstin we The E Street Band — 18,6 mln
7. Kenni Çesni — 18,2 mln
8. Metallica — 15,6 mln
9. Bon Jovi — 13,9 mln
10. Elton Jon — 13,8 mln
11. Pink — 13 mln
12. The Rolling Stones — 12,6 mln
13. Beýonse — 11,8 mln
14. Andre Rýe — 11,6 mln
15. Madonna — 11 mln
16. Guns N’ Roses — 10,7 mln
17. Eagles — 10,2 mln
18. Phish — 10,2 mln
19. Iron Maiden — 10,1 mln
20. Lýuk Braýan — 10 mln
21. Rojer Uoters — 9,8 mln
22. Pol Makkartni — 9,4 mln
23. Tobi Kit — 9,4 mln
24. Billi Joel — 9 mln
25. Depeche Mode — 8,7 mln