Stokgolmda fizika, himiýa, lukmançylyk, ykdysadyýet we edebiýat ugurlary boýunça 2025-nji ýylyň Nobel baýraklarynyň gowşurylyş dabarasy geçirildi.
Çäre Stokgolmyň konsert zalynda geçdi we oňa Şwesiýanyň patyşalyk maşgalasynyň agzalary, premýer-ministr Ulf Kristersson, hökümet we partiýa wekilleri, daşary ýurt myhmanlary, şeýle-de laureatlar we çagyrylan myhmanlar gatnaşdy.
Şu ýyl fizika boýunça baýragy Jon Klark, Mişel Dewore we Jon Martinis, himiýa boýunça – Susumu Kitagawa, Riçard Robson we Omar M. Ýagi, lukmançylyk boýunça – Meri Brankou, Fred Ramsdell we Şimon Sakaguçi, ykdysadyýet boýunça – Joel Mokir, Filipp Agion we Piter Hauitt, edebiýat boýunça baýragy bolsa Laslo Krasnahorkai aldy.
Her bir laureat diplom, Nobel medalyny we 11 mln şwed krony (1,1 mln ABŞ dollary) möçberinde pul baýragyny aldy.
Osloda hem aýratyn dabara geçirilip, parahatçylyk boýunça Nobel baýragy gowşuryldy. 2025-nji ýylda bu baýragyň eýesi bolan Mariýa Korina Maçado Oslo gelse-de, dabaranyň özüne gatnaşyp bilmedi. Onuň adyndan baýragy gyzy Ana Korina Sosa aldy.
