Osloda 2025-nji ýylyň Nobel parahatçylyk baýragynyň eýesi yglan edildi. Baýraga Wenesueladan oppozision syýasatçy Mariýa Korino Maçado mynasyp boldy.
Ozal Maçado Wenesuelanyň parlamentiniň deputaty bolupdy we 2012-nji ýylda prezident saýlawlaryna gatnaşdy.
Geçen ýyl parahatçylyk baýragyny Hirosimadaky we Nagasakidäki atom partlamalarynyň pidalaryny birleşdirýän “Nihon Hidankio” ýapon guramasy aldy.
Parahatçylyk boýunça Nobel baýragy, adatça, Osloda yglan edilýär. Ol Nobel hepdeliginde iň soňkudan öňki baýrakdyr. Ahyrynda Alfred Nobeliň hatyrasyna ykdysadyýet boýunça baýragyň eýeleri atlandyrylar – bu 13-nji oktýabrda bolar.
Mundan öň fiziologiýa we lukmançylyk, fizika, himiýa we edebiýat boýunça Nobel baýraklarynyň eýeleri belli boldy.
Ähli baýraklaryň gowşurylyş dabarasy 10-njy dekabrda Stokgolmda we Osloda – baýragyň esaslandyryjysy Alfred Nobeliň aradan çykan güni geçiriler.
