Google we Apple tehnologiýa kompaniýalary Android bilen iOS operasion ulgamlarynyň arasynda geçmek prosesini ýönekeýleşdirmegiň üstünde işleýär. Kompaniýalar enjamlaryň we hyzmatlaryň biri-biri bilen gabat gelijiligini ýokarlandyryp, smartfon çalşylanda maglumatlaryň aňsat geçirilmegini üpjün eder.
Android we iPhone gurluşlarynyň arasynda maglumatlary göçürmegi ýeňilleşdirmek üçin niýetlenen täze gurallar eýýäm Google Pixel smartfonlarynda Android-iň Canary 2512 synag wersiýasynda peýda boldy. Tiz wagtdan şeýle funksiýalaryň işläp düzüjiler üçin iOS 26-nyň deslapky wersiýasynda peýda bolmagyna garaşylýar.
Bu mümkinçilikler ulanyjylara enjamlaryň ilkinji sazlamalary wagtynda elýeterli bolar. Ilkibaşda olar işläp düzüjiler üçin niýetlenen beta-synaglara goşular. Soňra Google bu funksiýalary köpçülikleýin beta wersiýasyna, soňra Android-iň esasy wersiýasyna goşmagy meýilleşdirýär. Ähli ulanyjylar üçin täze gurallaryň çykjak möhleti belli däl, çünki goldaw her bir gurluş üçin aýratyn goşulýar.
Täze funksiýalar girizilýänça, ulanyjylar Android enjamlarynda Apple-iň Move to iOS ýa-da iPhone-da Google-yň Android Switch programmalaryny ulanmagy dowam etdirip biler.
