Türkmenistanyň Awtomobil sporty federasiýasynyň Maksatmyrat Daňatarow bilen Didar Orazmedowdan ybarat topary T2 synpyndaky wnedorožnikleriň hasabynda Türkmenistanyň ralli-reýd boýunça çempionatynyň ýeňijisi boldy.
Bäsleşik Awtomobil sporty federasiýasy tarapyndan Türkmenistanyň hemişelik Bitaraplygynyň 30 ýyllygy mynasybetli guraldy.
Çempionat iki günüň dowamynda Ahal welaýatynyň Gökdepe we Baharly etraplarynyň çäginde, Garagum çölünde geçirildi. Ýoluň umumy uzynlygy 206 km boldy.
Ýaryşa Türkmenistanyň Içeri işler ministrliginiň, Awtomobil ulaglary ministrliginiň we Awtomobil sporty federasiýasynyň toparlaryndan 12 sany ekipaž gatnaşdy.
Daňatarowyň ekipažy 2 sagat 21 minut 36 sekunt bilen iň gowy netijäni görkezip, pellehana birinji geldi.
Ikinji orny Awtomobil ulaglary ministrligi üçin çykyş eden Merdan Toýlyýew 2 sagat 39 minut 48 sekunt netije bilen eýeledi.
Baýrakly üçlügi Içeri işler ministrliginiň türgeni Süleýman Annamämmedow (2 sagat 43 minut 27 sekunt) tamamlady.
