Samsung ýakynda hödürlenen we häzirlikçe diňe Günorta Koreýada satmagy meýilleşdirilýän Galaxy Z TriFold smartfonynyň gutusyny açyp görkezýän resmi wideo bilen paýlaşdy. Model, takmynan, 2500 dollar bilen bahalandyryldy.
Wideoda üç eplenýän smartfonyň özi we topluma girýän ähli aksessuarlar görkezilýär. Toplum Samsung-yň adaty flagmanlaryndan has uly. Galaxy Z TriFold 45 Wt kuwwatly zarýad beriji, USB-C/USB-C kabeli, Carbon Shield Case gorag daşlygy, SIM-karty çykarmak üçin skrepka we adaty resminamalar bilen bilelikde satylýar. Şeýle-de, aýratyn satyn alynýan Carbon Standing Case daşlygy görkezilýär.
Mundan başga-da, wideoda smartfonyň dizaýny jikme-jik görkezilýär. Galaxy Z TriFold 10 dýuýmlyk çeýe içki ekrana we 6,5 dýuýmlyk daşky displeýe eýe boldy.
Günorta Koreýada satuw 12-nji dekabrda başlar. Hytaýda, Taýwanda, Singapurda we BAE-de smartfon gijräk – aýyň ahyrynda peýda bolar. Alyjylar displeýi bejermek üçin bir gezeklik 50% arzanladyş alar.
