Magtymguly adyndaky Türkmen döwlet uniwersitetiniň hukuk öwreniş hünäriniň 4-nji ýyl talyby Nurýagdy Baýryýew «Türki halklarynyň iň gowy talyby» atly halkara bäsleşigiň ýeňijisi boldy.
TDU-nyň resmi saýtynda habar berlişi ýaly, Nurýagdy Baýryýew Gazagystanyň Astana şäherinde bu ýurduň «Bilim-orkenieti» milli innowasiýa ylmy-gözleg merkezi hem-de «Žana Gazagystan» respublikan innowasion merkezi tarapyndan guralan bäsleşige internet arkaly gatnaşdy.
Şeýlelikde, ol bu bäsleşikde I derejeli Diploma, döşe dakylýan nyşana we kuboga mynasyp boldy.
Ozal «Türki halklaryň iň gowy talyby» atly halkara bäsleşikde Magtymguly adyndaky TDU-nyň taryh hünäriniň talyby Zyýada Ýusubowanyň hem-de Aşgabat şäherindäki syýahatçylyk orta hünär okuw mekdebiniň «Syýahatçylyk hyzmatlary» hünäriniň 2-nji ýyl talyby Altyntäç Janmämmedowanyň ýeňiji bolandygy barada habar beripdik.
