Şwesiýaly şestli böküji Arman Dýuplantis we amerikaly ylgawçy Sidni Maklaflin-Lewron Bütindünýä ýeňil atletika assosiasiýasy (World Athletics) tarapyndan ýylyň ýeňil atletikaçylary diýlip ykrar edildi.
Baýragyň gowşurylyş dabarasy ýekşenbe güni Monakoda geçirildi.
26 ýaşly Dýuplantis iki gezek Olimpiýa çempionydyr (2021 we 2024). 2025-nji ýylda türgen üç gezek dünýä çempiony we ýapyk binada üç gezek dünýä çempiony boldy. 2025-nji ýylda ol açyk howada (6,30 m) we ýapyk binada (6,27 m) dünýä rekordlaryny goýdy.
26 ýaşly Sidni Maklaflin-Lewronyň hasabynda Tokioda geçirilen Olimpiada-2021-iň iki altyn medaly (päsgelçilikli 400 m aralyga ylgamak we 4x400 m estafeta), şeýle-de 2024-nji ýylda Parižde geçirilen Oýunlarda bellenilen dissiplinalarda iki ýeňiş bar. Şu ýyl ol Tokiodaky dünýä çempionatynda iki altyn medal gazandy.
