Keniýaly ylgawçy Jon Korir Boston marafonynyň ýeňijisi boldy we ýoluň täze rekordyny goýdy. Ol 42 kilometrden gowrak aralygy 2 sagat 1 minut 52 sekuntda geçmegi başardy.
Mundan ozalky rekord 2011-nji ýyldan bäri saklanyp gelýärdi we ol Koririň watandaşy Jeffri Mutaýa degişlidi (2 sagat 3 minut 2 sekunt).
Ikinji orny Tanzaniýadan Alfons Feliks Simbu eýeledi, ol ýeňijiden 55 sekunt yza galdy. Üçünji bolup pellehana ýeňijiden 58 sekunt yza galan keniýaly Benson Kipruto geldi.
Zenanlaryň arasyndaky ýaryşyň ýeňijisi keniýaly Şaron Lokedi boldy.
Korir 29 ýaşynda. Ol 2025-nji ýylda hem Boston marafonynyň ýeňijisi bolupdy, şeýle hem 2024-nji ýylda Çikago marafonynda ýeňiş gazandy.
Boston marafony dünýäniň iň iri ýaryşlarynyň hataryna girýär. Şeýle ýaryşlara Tokiodaky, Londondaky, Sidneýdäki, Berlindäki, Çikagodaky we Nýu-Ýorkdaky marafonlar hem degişlidir.
