“Haýwanlar şäheri 2” (Зверополис 2) multfilmi bir günde Hytaýda 100 mln dollar ýygnap, hytaý prokatynda Golliwudyň filmleri üçin rekord goýdy.
Öňki rekord “Ar alyjylar: Final” filmine degişlidi. Ol HHR-de prokatyň ilkinji güni 97,5 mln dollar gazanypdy.
Animasion filmiň ilkinji dynç günleri bütin dünýäde 500 mln dollar ýygnamagyna garaşylýar, bu bolsa oňa 2025-nji ýylyň iň girdejili filmi bolmaga uly mümkinçilik berer.
“Haýwanlar şäheri 2” ýene-de towşan Judi we tilki Nik barada gürrüň berýär. Olar Geri atly ýylanyň öz abraýyny arassalamaga kömek etjek syrly kitaby ogurlamaga synanyşýandygyny bilýär. Judi we Nik ogry bilen bilelikde gaçyp, polisiýanyň gözlegine düşýär. Hukuk goraýjylardan gizlenmek bilen, gahrymanlar hakyky zalymyň kitaby almak üçin şäheriň başga bir ýaşaýjysyny öldürendiginiň üstüni açar.
