Ginnesiň rekordlar kitaby ABŞ-nyň Pensilwaniýa ştatyndan bolan Bill Steýns baradaky täsin wakany gürrüň berýär. Birnäçe ýyl mundan ozal ol dünýäde ogullyga alnan iň garry adam boldy — ogullyga alnan wagtynda ol 74 ýaş we 303 günlükdi.
Bu adamyň biologiki ene-atasy 2003-nji ýylda aradan çykypdyr. Ogullyga alynmazdan öň, ol Raýan we Jessika Fiskus bilen köp ýyl bäri tanyşdy: ol Raýanyň beýsbol tälimçisi we emin bolupdy.
"Men Billi özümi tanalym bäri tanaýaryn" diýip, Raýan gürrüň berýär. Ol Billi "ähli zada yhlasly we töweregindäkileriň hemmesine wepaly adam" diýip häsiýetlendirýär.
Jessika we Raýan Billi öz dostlary bilen tanyşdyrdylar. Olaryň üçüsi wagtlaryny hemişe bile geçirýärdiler, bingo oýnaýardylar we motosikl sürýärdiler. Şeýle hem, olar weteranlara kömek edýän ýerli haýyr-sahawat guramasynda meýletinçi bolup işleýärdiler. Bill onuň doly hukukly agzasy bolup bilmedi, sebäbi onuň ýakyn maşgala agzalarynyň hiç biri harby gullukda bolmandyr.
"Men bir gezek degşip, biziň üçin galan ýeke-täk ýoluň ony ogullyga almakdygyny aýtdym" - diýip, Raýan ýatlaýar. "Hawa, görnüşine görä, biz dogrudanam şeýtmeli boljak!" diýip, Bill derrew razylaşdy.
Jessika ogullyga almagyň olary has ýakynlaşdyrandygyny aýtdy: "Biz ony öz oglumyz hökmünde doly kabul edýäris we oňa beýleki çagalarymyza garaýşymyz ýaly garaýarys. Ol çaga bolmasa-da, biz ony öz balamyz ýaly söýýäris".
