Chanel Modalar öýi Şanhaýda häzirki zaman sungatyna bagyşlanan ilkinji jemgyýetçilik kitaphanasy bolan Espace Gabrielle Chanel-i açdy. Bu barada Hypebeast žurnaly habar berýär.
18 müň inedördül fut meýdany bolan bu giňişlik Power Station of Art muzeýiniň üçünji gatynda ýerleşýär we onda 50 müňden gowrak kitap hem-de audio neşir bar. Onuň dizaýnyny ýapon arhitektory Kadzunari Sakamoto taýýarlady. Interýeriň esasy elementi — «Kitaplar jülgesi» bolup, ol labirint şekilli gurluş bolup, ol derýanyň akymyny hem-de binanyň senagat mirasyny alamatlandyrýar.
Topluma sergi zaly, teatr, dizaýn merkezi we Huanpu derýasyna seredýän terassa girýär.
Bu taslama Chanel-iň häzirki zaman hytaý ussatlygyny, arhitekturany we teatr sungatyny goldaýan Next Cultural Producer maksatnamasynyň çäginde Power Station of Art bilen uzak möhletleýin hyzmatdaşlygynyň bir bölegidir.
Chanel-iň sungat boýunça prezidenti Ýana Piliň bellemegine görä, bu hyzmatdaşlyk brendiň medeniýetara alyş-çalşyna bolan berk ygrarlygyny görkezýär.
