Walt Disney Imagineering kompaniýasynyň inženerleri “Doňan ýürek” (Холодное сердце) animasion filminiň gahrymany Olafyň robotyny hödürledi. Ol multfilmdäki prototipi ýaly görünýär, hereket edýär we gürleýär diýip, Disney-iň metbugat gullugy habar berdi.
Roboty döretmek prosesi YouTube-da We Call It Imagineering filminde görkezildi.
Döredijiler tomaşaçylaryň tanyş Olafy, janly, bilesigeliji we şadyýan gahrymany görmegi üçin gar adamynyň her bir hereketine üns berdi. Onuň daşky keşbiniň üstünde-de aýratyn işlendi: onuň göwresi öwşün atýan süýümiň netijesinde hakyky gar ýaly ýalpyldaýan we robotyň her bir hereketi bilen hereket edýän ýörite materialdan döredildi.
Kompaniýanyň wekilleri gahrymanyň her bir hereketiniň hakykata golaý bolmagyny gazanmak üçin filmiň üstünde işlän Walt Disney Animation Studios-yň animatorlary bilen ýakyndan hyzmatdaşlyk edendiklerini belledi.
Işläp düzüjiler tehnologiýanyň Disney Imagineering-iň storiteller we inženerler toparynyň işine esaslanýandygyny aýtdy. Olar ilki häsiýetden başlady, soňra gahrymany janlandyrmak üçin gurallary döretdi. Olar Olafyň “Ýyldyz söweşlerindäki” BDX droidlerinden has çylşyrymly robot bolandygyny, çünki şadyýan gar adamynyň “ýumşak” hereketleri talap edýändigini belledi.
Şeýle-de, döredijiler Olafyň göwresiniň, agzynyň, gözüniň we käşir burnunyň doly hereket edýändigini belläp geçdi. Gahryman gürläp we söhbetdeş bolup bilýär. Topar hakykata laýyklygy gazanmak üçin reinforcement learning emeli aň usulyny ulandy.
Olaf roboty tiz wagtdan Pariždäki we Gonkongdaky Disneýlendlerde peýda bolar.
