2025-nji ýylyň 24-29-njy noýabry aralygynda Aşgabatda keselçilik ojaklaryny derňemek boýunça ýöriteleşdirilen okuw maslahaty geçirilýär. Türgenleşik Türkmenistanyň weterinariýa gullugynyň, saglygy goraýyş ulgamynyň we tebigaty goramak düzümleriniň hünärmenleri üçin guraldy.
Okuw BMG-niň Azyk we Oba hojalyk guramasynyň Türkmenistanyň Oba hojalygy ministrliginiň ýanyndaky Döwlet weterinariýa gullugy bilen bilelikde durmuşa geçirýän Pandemiýa gaznasynyň sebit taslamasynyň (“Merkezi Aziýada "Bitewi saglyk" ýörelgesine esaslanýan pandemiýa taýýarlygy we jogap çäreleri”) çäklerinde guraldy.
Okuw epidemiologik gözegçilik ulgamyny pugtalandyrmaga we serhetüsti ýokanç kesel howplaryna taýýarlygy ýokarlandyrmaga gönükdirilendir. Gatnaşyjylar epidemiologik derňewleriň esaslaryny, biologik howpsuzlygy, nusgalary ýygnamagyň döwrebap usullaryny we “Bitewi saglyk” konsepsiýasynyň ýörelgeleri boýunça pudagara toparlaryň işini öwrenýärler.
Maksatnama nazaryýeti we tejribäni öz içine alýar: hünärmenler maldarçylyk fermasyna gidip, meýdan anyklaýşy, anketalary we epidemiologik gözegçilik gurallaryny ulanmak, şeýle hem töwekgelçilik faktorlaryny bahalandyrmak endiklerini kämilleşdirdiler.
Okuwlary FAO-nyň halkara bilermenleri Dewid Paton we Duriýa Çaryphan milli weterinariýa hünärmenleri bilen bilelikde alyp barýarlar.
