ABŞ-nyň Prezidenti Donald Tramp “Dykyn wagty” (“Час пик”) kinofranşizasyny täzeden dikeltmek isleýär. Ak tamyň ýolbaşçysy 90-njy we 80-nji ýyllaryň komediýa görnüşli uruşly filmlerini gowy görýär we Jeki Çan bilen Kris Takeriň gatnaşmagyndaky kinotrilogiýany žanryň iň gowy mysallarynyň biri hasaplaýar diýip, Semafor neşiri ýazýar.
Maglumat çeşmeleriniň aýtmagyna görä, Prezident Paramount-yň Brett Ratneriň (ýakynda ol Melaniýa Tramp barada dokumental film düşürdi) režissýorlygynda çykan franşizany täzeden başlatmagyny isleýär.
Neşiriň belleýşi ýaly, amerikan kinostudiýalary ozal syýasatçynyň şeýle isleglerine ähmiýet bermändi. Indi ýagdaý Trampyň köne dosty we iň uly maliýe hemaýatkärleriniň biri bolan Larri Ellisonyň kömegi bilen üýtgäp biler. Häzir ol ähli film kataloglary bilen bilelikde Warner Bros. kinostudiýasyny satyn almak mümkinçiligi barada gepleşikleri geçirýän Paramount kompaniýasyna ýolbaşçylyk edýär.
ABŞ-nyň Prezidentiniň ýene bir halaýan filmi hökmünde Semafor Žan-Klod Wan Damm bilen “Ganly sport” filmini belleýär.
