YouTube wideolary göni mobil programmanyň içinde paýlaşmaga we ara alyp maslahatlaşmaga mümkinçilik berýän täze funksiýanyň synagdan geçirilýändigini yglan etdi. Aslynda, bu, hyzmatda birnäçe ýyllap elýeterli bolan, ýöne 2019-njy ýylda aýrylan şahsy habarlaşmagy yzyna getirýär.
Kompaniýanyň habarynda munuň "iň köp islenilýän funksiýadygy" bellenilýär.
YouTube bu täzeçilligiň nähili işlejekdigini jikme-jik beýan etdi.
"Biz YouTube mobil programmasynda halaýan wideolaryňyzy (uzyn wideolar, gysga filmler ýa-da ýaýlymlar) aňsatlyk bilen paýlaşmaga we ara alyp maslahatlaşmaga mümkinçilik berýän täze funksiýany synagdan geçirýäris. Bu synag Irlandiýada we Polşada 18 ýaşdan uly ulanyjylar üçin işe girizilýär. Bu biziň iň köp garaşan funksiýalarymyzyň biri boldy, şonuň üçin ony synagdan geçirmäge başlaýandygymyza we siziň pikirleriňizi eşitjekdigimize begenýäris" diýip, hyzmatyň habarynda aýdylýar.
Birinji tapgyrda bu täze mümkinçilikden Irlandiýadan we Polşadan uly ýaşly ulanyjylar peýdalanyp bilerler.
YouTube synagy beýleki ýurtlara giňeltmegi meýilleşdirýärmi ýa-da ýok, şeýle hem täze funksiýanyň ähli ulanyjylar üçin haçan elýeterli boljakdygy entek belli däl.
