Adobe amerikan kompaniýasy marketing üçin programma üpjünçiligini işläp düzýän Semrush kompaniýasyny satyn alýandygyny habar berdi. Şertnamanyň şertlerine görä, Adobe kompaniýanyň paýdarlaryna her paý üçin 12 dollar tölär, bu bolsa jemi 1,9 mlrd dollara barabardyr.
Bu habardan soň Semrush-yň paýnamalary tas 75% ýokarlandy.
Şertnamanyň 2026-njy ýylyň birinji ýarymynda tamamlanmagyna garaşylýar.
Semrush 2008-nji ýylda Sankt-Peterburgda Oleg Şegolew we Dmitriý Melnikow tarapyndan esaslandyryldy. 2017-nji ýylda kompaniýanyň ştab-kwartirasy ABŞ-a geçirildi. 2021-nji ýylda Semrush Nýu-Ýorkuň gazna biržasynda IPO geçirdi. Kompaniýa marketing we gözleg işleri üçin programma üpjünçiligini döretmek bilen, “programma üpjünçiligi hyzmat hökmünde” (Saas) modeli boýunça işleýär. Onuň müşderileriniň arasynda Amazon we TikTok hem bar.
