2026-njy ýylyň dünýä çempionatynyň Ýewropadaky saýlama ýaryşynyň pleý-off oýunlarynyň bije çekilişiginiň netijesi belli boldy.
Bije çekilişik Sýurihde Halkara futbol federasiýasynyň (FIFA) ştab-kwartirasynda geçirildi. Oňa Fransiýanyň milli ýygyndysynyň düzüminde 1998-nji ýylyň dünýä çempiony Kristian Karambýo, 2006-njy ýylyň dünýä çempiony italiýaly Marko Materassi, şeýle-de, Şwesiýanyň milli ýygyndysynyň öňki oýunçysy, 1994-nji ýylyň dünýä çempionatynda üçünji orny eýelän Martin Dalin gatnaşdy.
Pleý-off tapgyryna öz saýlama toparçalarynda ikinji orunlary eýelän 12 topar, şeýle-de saýlama ýaryşynda ilkinji orny eýeläp bilmedik Milletler ligasynyň toparçalarynyň dört ýeňijisi (Rumyniýanyň, Demirgazyk Irlandiýanyň, Şwesiýanyň we Demirgazyk Makedoniýanyň milli ýygyndylary) çykdy.
16 toparyň ählisi dört toparça bölner we olaryň çäklerinde ýarym final (26-njy mart) we final (31-nji mart) oýunlary geçiriler. Reýting boýunça ýerleşdirilen toparlar ýarym final oýunlaryny öz öýünde oýnar.
Bije çekilişigiň netijesi:
- ·Ýol A: Italiýa – Demirgazyk Irlandiýa, Uels – Bosniýa we Gersegowina
- ·Ýol B: Ukraina – Şwesiýa, Polşa – Albaniýa
- ·Ýol C: Türkiýe – Rumyniýa, Slowakiýa – Kosowo
- ·Ýol D: Daniýa – Demirgazyk Makedoniýa, Çehiýa – Irlandiýa
