TikTok sosial ulgamy ulanyjylara öz ruhy saglygy barada alada etmäge kömek etjek täze gurallary işe girizýär. Şeýle aýratynlyklaryň biri programmadaky wagtyny bilgeşleýin çäklendirýän ulanyjylara beriljek nyşanjyklar boldy diýip, TechCrunch habar berýär.
Bu nyşanlary almak üçin, ulanyjy birnäçe ýönekeý şertleri ýerine ýetirmeli: gije programma girmezlik, gündelik çägi goýmak we ony berjaý etmek.
Şeýle-de, programmada beýleki peýdaly hyzmatlar bolar. Ýagny, 120-den gowrak pozitiw jümleleri hödürleýän gündelik, rahatlandyryjy ses generatory, mysal üçin, ýagşyň ýa-da ummanyň sesini – şeýle-de, dem alyş maşklary. Mundan başga-da, kompaniýa ekranyň başyndaky wagty nädip dogry sazlamalydygy barada öwrediji wideolary goşar.
TikTok-yň maglumatlaryna görä, täzelenmeleriň ählisi, ilkinji nobatda, ýetginjeklere gönükdirilýär. Kompaniýa bu çözgüdi has berk çäklendirmeleriň ters netije berip biljekdigini görkezen ylmy barlaglary öwrenenden soň kabul edendigini belleýär.
