Sony Pictures studiýasy Labubu atly meşhur oýunjak barada film düşürer.
The Hollywood Reporter neşiriniň maglumatlaryna görä, taslamany ozal Netflix üçin üstünlikli "Keý-pop melgun awçylary" multfilmini döreden kompaniýanyň animasion bölümi ýerine ýetirer.
Labubu hakyndaky filmiň heniz ne prodýuseri, ne-de režissýory tassyklandy. Şeýle hem, geljekki filmiň animasion ýa-da oýun filmi boljakdygy aýdyňlaşdyrylmandyr. Sony studiýasy häzirlikçe bu taslama barada hiç hili teswir bermedi.
Labubu şekiljigini Gonkongda doglan we Ýewropada ýaşaýan suratkeş Kasing Lung döretdi. Ilkibaşda dişli haýwanlar görnüşindäki oýunjaklary How2 Work kompaniýasy öndürýärdi. Olar 2019-njy ýylda Hytaýyň lomaý satyjysy Pop Mart Labubu liniýasyny çykaran soň dünýäde meşhur boldular.
Oýunjaklar ilki Günorta-Gündogar Aziýa bazarlarynda sensasiýa döretdi, soňra bolsa ähli dünýäni özüne çekdi. Diňe şu ýylyň başynda Pop Martyň girdejisi 350 göterim artdy.
