Samsung sentýabr aýynda satuwa çykarylan has amatly bahaly Galaxy Tab A11-iň kämilleşdirilen görnüşi bolan täze Galaxy Tab A11+ planşetini çykardy. Modele has çalt prosessor, ulaldylan ýat we goşmaça funksiýalar goşuldy.
Planşet 90 Hz täzelenme ýygylygy we 1920x1200 piksel durulygy bolan 11 dýuýmlyk LCD displeýi bilen enjamlaşdyrylandyr. Galaxy Tab A11+ MediaTek 7300 çipi, 8 GB-a çenli RAM we 256 GB-a çenli içerki ýat bilen üpjün edilip, 2 TB-a çenli mikro SD kart arkaly giňeldilip bilner.
7040 mAh batareýa 25 Wt çalt zarýad bermegi goldaýar. Planşet Android 16-a esaslanýan One UI 8 bilen işleýär we Samsung enjamy azyndan Android 20-ä çenli täzelenmeler bilen goldamagy wada berýär.
Öňki kameranyň durulygy 5 MP, esasy kameranyň durulygy bolsa awtofokusly 8 MP Korpusy alýuminden, Dolby Atmos-ly dört stereo dinamikleri birlikde giňişleýin ses döredýär. Beýleki aýratynlyklara güýç düwmesine integrirlenen barmak yzy skaneri, Wi-Fi 5, Bluetooth 5.3 we 3,5 mm}-lik razýom girýär. Planşet Wi-Fi we 5G (ýeke nano-SIM) wersiýalarynda elýeterlidir.
Beýik Britaniýada modeliň bahasy:
- Wi-Fi, 128 GB - 249 funt (328$);
- Wi-Fi, 256 GB - 299 (393 dollar);
- 5G, 128 GB - 299 funt (393 dollar);
- 5G, 256 GB - 349 funt; (458 dollar).
Satuwlar eýýäm Beýik Britaniýada, Ukrainada we başga-da birnäçe ýurtlarda başlandy. Global çykarylyşy 2025-nji ýylyň ahyryna çenli garaşylýar.
