Meta kompaniýasy Facebook-da Reels awtorlaryna öz wideolaryny awtoryň rugsady bolmazdan beýleki ulanyjylaryň ulanmagyndan goramaga kömek edýän täze Facebook Content Protection guralyny hödürledi.
Haçan-da ulgam wideonyň rugsatsyz ulanylandygyny anyklanda, awtor bu barada habarnama alýar we näme etmelidigini saýlap biler: Facebook-da we Instagram-da wideony blokirlemek, onuň tomaşalaryny yzarlamak ýa-da öz profiline “original” belligi bilen ssylka goşmak. Eger awtor garşylyk bildirmese, ol wideony paýlaşmaga rugsat berip biler.
Gural awtorlyk hukuklaryny goramak üçin Rights Manager bilen birmeňzeş tehnologiýa boýunça işleýär. Awtorlar öz kontentlerini ulanmaga resmi taýdan rugsat berlen akkauntlaryň sanawyny düzüp biler; ulgam şeýle wideolary göçürme hökmünde bellemez.
Gorag Facebook-da ýerleşdirilen ýa-da Instagram-dan krossposting funksiýasy arkaly ýüklenen wideolara degişlidir. Bu awtorlary platformada öz işleri bilen işjeň paýlaşmaga höweslendirýär.
Gural Facebook Content Monetization maksatnamasyna gatnaşýan we dogruçyllyk hem özboluşlylyk talaplaryna laýyk gelýän awtorlara awtomatik taýdan elýeterlidir. Beýlekiler bolsa Professsional kabinet ýa-da Meta saýtynda ýörite bölüm arkaly arza berip biler. Häzir funksiýa mobil wersiýada işleýär, desktop wersiýasy bolsa entek synagdan geçirilýär.
