Dünýäniň birinji raketkasy Arina Sobolenko Zenanlaryň tennis birleşiginiň (WTA) bir möwsümde gazanan baýrak pullary boýunça rekordyny goýdy. 2025-nji ýylda belarusly tennisçi kortda 15 million dollardan gowrak girdeji gazandy diýip, Tennis.com habar berýär.
Öňki rekord Rolan Garros, US Open we WTA-nyň jemleýji ýaryşy ýaly, 82 oýnuň 78-sinde ýeňiş we 11 titul gazanyp, 2013-nji ýylda 12,3 million dollar gazanan Serena Uilliamsa degişlidi.
Bu möwsümde 27 ýaşly Sobolenko 75 oýnuň 63-sinde ýeňiji boldy we dört titul gazandy. US Open-de yzly-yzyna gazanan ikinji ýeňşi oňa 5 million dollar getirdi. Er-Riýadda geçirilen WTA-nyň Jemleýji ýaryşyndaky final oňa girdejisine ýene 2,7 million dollar goşdy, ýene 2,5 million dollary bolsa Australian Open-niň finalyna we Pariždäki ýaryşa çykany üçin gazandy.
Er-Riýadda geçiriljek finaldan öň Sobolenko puluň esasy maksat däldigini aýtdy.
"Men bu sporty juda gowy görýärin. Göreşmegi halaýaryn, özümi soňky çäge çenli synamagy halaýaryn. Elbetde, ýeňiş gazananyňda "Oh, girdeji erbet bolmady" diýip pikir edýärsiňiz. Ýöne oýun wagtynda bu hiç haçan kelläňe gelenok... Girdeji hakykatdanam gowy bolsa-da şeýle" – diýip, ol gürrüň berdi.
