2028-nji ýylda Los-Anjelesde geçiriljek Olimpiadanyň guramaçylyk komiteti Oýunlaryň doly tertibini hödürledi. Onda sportuň medal ugrunda has köp göreşilýän iki görnüşi bilen baglanyşykly birnäçe aýratynlyklar bar.
Geçenki Olimpiadalardan tapawutlylykda, ýeňil atletika we suwda ýüzmek boýunça ýaryşlar hepdeleri çalyşdy: suwda ýüzüjiler ikinji, ýeňil atletikaçylar bolsa birinji hepdede çykyş eder. Birinji ýaryş gününiň, 15-nji iýulyň esasy wakasy zenanlaryň arasynda 100 metr aralyga ylgamak bolar. Sentýabrda Tokioda geçirilen dünýä çempionatynda bu ugurda amerikaly Melissa Jefferson-Wuden ýeňiş gazanypdy.
Ýene bir bellemeli ýeri, 23-nji iýul, Oýunlaryň iň soňkudan öňki güni ýaryşlara has baý bolar. Guramaçylyk komiteti ony “super şenbe” diýip atlandyrdy. Şol gün sportuň toparlaýyn görnüşlerinde on bäş töweregi final oýunlary bilen bir hatarda 26 medal toplumy ugrunda bäsleşiler.
