2025-nji ýylyň Buker baýragyny “Flesh” (“Syna”) romany üçin Dewid Soloý aldy. Ýeňijä kubok we 50 müň funt sterling berildi. Baýragy ýazyja geçen ýylky ýeňiji Samanta Harwi gowşurdy.
Şu ýyl eminler toparyna ýazyjy Aýobami Adebaýo, ýazyjy we tankytçy Kris Pauer, romançy Kaýli Rid, ýazyjy we dramaturg Roddi Doýl we aktrisa Sara Jessika Parker girdi.
Dewid Soloý 1974-nji ýylda Monrealda dünýä indi. Onuň 2009-njy ýylda çap edilen ilkinji romany London and the South-East iň gowy ilkinji eser üçin Betti Trask britan baýragyny aldy. 2010-njy ýylda The Telegraph žurnaly ony kyrk ýaşa çenli iň gowy britaniýaly ýazyjylaryň sanawyna goşdy. 2016-njy ýylda All That Man Is hekaýalar ýygyndysy Buker baýragynyň gysga sanawyna girdi.
“Flesh” romany ýaşlykda tötänleýin wakadan soň durmuşy üýtgän wengriýaly emigrant Iştwan barada gürrüň berýär. Roddi Doýlyň aýtmagyna görä, kitap “adatça, üns berilmeýän işçi synpyndan bolan adama bagyşlanýar” we “onuň içki dünýäsine seretmäge” mümkinçilik berýär.
zUmuman alanyňda, şu ýyl baýrak üçin 153 kitap dalaş etdi. Gysga sanawa alty eser girdi.
