Tesla ikinji nesil Roadster sport elektromobiliniň tanyşdyrylyşynyň 2026-njy ýylyň 1-nji aprelinde geçiriljekdigini yglan etdi.
Ulagyň ilkinji maketi we göz öňünde tutulýan aýratynlyklary 2017-nji ýylda görkezilipdi, önümçilik bolsa 2020-nji ýyla meýilleşdirildi. Ýöne ençeme gezek yza süýşürilenden soň, täze Roadster-i indi geljek ýylyň ýazynda hödürlemek wada berilýär, yzygiderli önümçilik bolsa görkezilenden bir ýyldan soň diýen ýaly başlar. Ilon Mask bu barada Tesla-nyň paýdarlarynyň ýygnagynda habar berdi.
Milliarder awtomobiliň ozal görkezilenden düýpli tapawutlanjakdygyny aýdyp, käbir tehniki aýratynlyklaryň, şol sanda “uçýan” režimiň Tesla elektromobilleriniň ählisi üçin elýeterli däldigini belledi.
Şol bir wagtyň özünde, kompaniýanyň ýolbaşçysy 1-nji apreliň oňa “bu degişmedi” diýmäge we zerur bolsa tanyşdyrylyş darabasyny ýene yza süýşürmäge mümkinçilik berýändigini aýtdy.
Mask öňünden 250 000 dollar möçberde töleg geçirenleriň görkezilişe ýörite çagyryljakdygyna wada berdi. Onuň aýtmagyna görä, Roadster-iň muşdaklary lapykeç bolup galmaz.
Bilermenler ilkinji anonsdan bäri sekiz ýylyň içinde bazarda 100 km/sag çenli tizligini bary-ýogy birnäçe sekuntda artdyrýan örän tiz elektrosportkarlary öndüriji bäsdeşleriň peýda bolandygyny belleýär. Bu hem ikinji nesil Roadster-iň häzirkizaman ülňülerine laýyk gelmegi üçin ulagyň tehniki aýratynlyklaryna gaýtadan seretmäge täsir eden bolmaly.
