7-nji noýabrda Türkmenistanyň daşary işler ministriniň orunbasary Mähri Bäşimowa bilen BMG-niň Neşe serişdeleri we jenaýatçylyk baradaky müdirliginiň (UNODC) Merkezi Aziýa, Owganystan, Eýran we Pakistan boýunça sebitleýin wekili Oliwer Ştolpeniň arasynda duşuşyk geçirildi. Bu barada Türkmenistanyň DIM-niň metbugat gullugy habar berýär.
Duşuşygyň dowamynda taraplar häzirki döwrüň wehimlerine we howplaryna garşy göreşmek boýunça hyzmatdaşlygyň möhüm meseleleri ara alyp maslahatlaşdylar.
Taraplar UNODC-nyň Merkezi Aziýa döwletleri üçin 2022-2027 ýyllar üçin Maksatnamasyny hem-de Türkmenistanyň Hökümeti bilen UNODC-niň arasynda hyzmatdaşlygy mundan beýläk-de berkitmek boýunça 2022-2025-nji ýyllar üçin Ýol kartasyny durmuşa geçirmek bilen bagly bilelikdäki tagallalara aýratyn üns berdiler. Mundan başga-da, täze ýol kartasynyň taslamasyny taýýarlamak boýunça pikir alşyldy.
Duşuşygyň esasy mowzuklarynyň biri serhetara howplara garşy milli derejede mümkinçilikleri ösdürmäge gönükdirilen Bilelikdäki maksatnamalary maliýeleşdirmek hakyndaky Ylalaşygy durmuşa geçirmegiň ilerledilmegi boldy.
