7–9-njy noýabr aralygynda Gyrgyzystanyň paýtagty Bişkek şäherinde sambo boýunça dünýä çempionaty geçirildi. Ýaryşa 80 ýurtdan 700-den gowrak türgen gatnaşdy. Sport sambosy, söweş sambosy we görüş ukyby çäkli türgenler üçin ýörite ugur boýunça jemi 31 sany medallar toplumy ugrunda bäsleşildi.
Türkmenistanly samboçylaryň gazanan netijeleri ýokary boldy — olar jemi sekiz medal eýelediler: bäş kümüş we üç bürünç medal.
Söweş sambosy boýunça zenanlaryň arasynda Madina Aýdogdyýewa (54 kg çenli) we Sabina Agajanowa (80 kg-dan ýokary) kümüş medala mynasyp boldular.
Söweş sambosy boýunça erkekleriň arasynda Muminjan Arzykulow (71 kg çenli) we Hakberdi Jumaýew (58 kg çenli) kümüş medal aldylar.
Sport sambosy boýunça Guwanç Begaliýew (98 kg çenli) ýygyndynyň hasabyna ýeke-täk kümüş medaly goşdy.
Bürünç medallar:
- Erkekleriň söweş sambosynda Abdulla Nazargeldiýew (88 kg çenli) we Bezirgen Begenjow (98 kg çenli),
- Zenanlaryň arasynda Zyba Orunowa (65 kg çenli) bürünç medal gazandy.
Dünýä çempionatynyň baýrak gaznasy 341 müň dollardan ybarat boldy. Her agram toparynyň ýeňijisine 4 müň dollar, kümüş medala eýe bolanlara 3 müň dollar, bürünç medala mynasyp bolanlara bolsa 2 müň dollar gowşuryldy.
