Grand Theft Auto VI wideooýnunyň relizi ýene süýşürildi – oýun indi 2026-njy ýylyň 19-njy noýabrynda çykar. Bu barada Rockstar Games-iň X sosial ulgamyndaky resmi akkauntynda habar berildi.
Işläp düzüjiler taslamany doly işläp gutarmak üçin köp wagtyň gerek boljakdygyny belledi. Olar oýnuň çykmagyna sabyrsyzlyk bilen garaşýan franşizanyň muşdaklarynyň öňünde ötünç sorady.
Ilkibaşda GTA VI-ny 2025-nji ýylyň güýzünde çykarmak meýilleşdirilipdi, soňra möhlet 2026-njy ýylyň 26-njy maýyna geçirildi. Maý aýynda oýunçylar üçin oýnuň täze treýleri hödürlendi.
Treýlerde baş gahrymanlar – Jeýson we Lýusiýa görkezilýär. Olar uly bir dildüwşügiň merkezine düşmek bilen, Leonida ştatynda diri galmak üçin göreşmeli bolar.
