Gabsburglar maşgalasynyň ýiten göwheri 100 ýyldan gowrak wagtdan soň tapyldy

  • 08.11.2025 13:38
  • 9k+

100 ýyldan gowrak wagt bäri ýiten diýlip hasaplanýan Gabsburglar hazynasyndan “Florenties” göwheri tapyldy. Häzire çenli ol Kanadanyň Kwebek welaýatynyň bank seýfinde saklanypdyr, ýöne maşgalanyň köp agzasy bu barada bilmeýärdi diýip, maşgalabaşy Karl Gabsburg-Lotaringskä salgylanyp, The New York Times we Der Spiegel habar berdi.

Agramy 137 karatdan gowrak bolan göwher bilen birlikde ýene 15 sany gymmat bahaly şaý-sep tapyldy. Olar 1918-nji ýylyň noýabrynda, Awstriýa-Wengriýa imperiýasy dargamazdan öň imperator Karl I-niň buýrugy boýunça Awstriýadan getirilen eken.
Wenadaky Hofburg imperator hazynasyndan onlarça eksponat Şweýsariýa iberilipdir. Gymmat bahaly zatlaryň sanawyna “Florentiesden” başga-da, imperator aýaly Ýelizawetanyň göwher täji we imperator aýaly Mariýa Tereziýanyň uly zümerretli bezegi girdi.
Gabsburglardan öň “Florenties” Florensiýanyň hökümdarlaryna, Mediçi maşgalasyna degişlidi. Hoz ululygyndaky göwher sary reňkde lowurdaýar we dünýäde ululygy boýunça dördünji göwher hasaplanýar.
Imperiýa dargandan soň göwheriň ýitendigi barada gürrüňler peýda boldy. The Washington Post gazeti 1921-nji ýylda onuň ýitendigini ýazdy we şondan soň bu barada dürli pikirler öňe sürüldi. 1981-nji ýylda auksionda “Florentiesden” iki esse kiçi diýen ýaly sary almaz peýda boldy, bu hem göwheriň ogurlanyp, gaýtadan granlanandygy baradaky täze çaklamalara sebäp boldy.
Hakykatda bolsa, Gabsburglar maşgalasy göwheri we beýleki hazynalary gizlin saklapdyr. Imperator aýaly Sita bu maglumaty diňe iki ogluna – Robert bilen Rudolfa ynanyp, howpsuzlyk üçin bu maglumaty 1922-nji ýylda Karl aradan çykandan soň 100 ýyllap hiç kime aýan etmezligi tabşyrypdyr. Soňra ogullary bu maglumaty öz çagalaryna aýdypdyr.
Indi maşgala göwheri geljek birnäçe ýyl Kanadadaky muzeýde goýmagy meýilleşdirýär. Ony satmak göz öňünde tutulmaýar.

şu gün 11:02
74

«Kompozitor» atly türkmen filmi «Göwher kebelek» atly Açyk Ýewraziýa kinobaýragyna mynasyp boldy

Türkmen kinoçylarynyň surata düşüren «Kompozitor» atly çeper filmi «Göwher kebelek» atly Açyk Ýewraziýa kinobaýragynyň ilkinji gowşurylyş dabarasynda «Iň gowy suratçy» ugrunda iň gowusy diýlip ykrar edildi. Dabara 27-nji noýabrda Moskwada, russiýaly režissýor Nikita Mihalkowyň «Ussahana 12» diýen ýerinde geçirildi diýip, "Türkmenistan: Altyn asyr" neşiri habar berýär...

şu gün 10:00
1k+

Serdar Berdimuhamedow Täze ýyl mynasybetli Aşgabatda bezeg işlerini geçirmek boýunça teklibi goldady

28-nji noýabrda geçirilen Hökümet mejlisinde wise-premýer B.Annamämmedow Täze ýyl baýramyna taýýarlyk görmegiň çäklerinde Aşgabat şäherinde ýerine ýetirilýän işler barada hasabat berdi. Bellenilişi ýaly, täze —...

şu gün 09:20
376

Jeýms Kemeron Netflix-iň filmleriniň “Oskar” baýragyna dalaş etmegine garşy çykdy

Režissýor Jeýms Kemeron Netflix-iň filmleriniň «Oskar» baýragyna gatnaşmaly däldigini aýtdy. Ol öz pikiri bilen «The Town with Matt Belloni» podkastynda paýlaşdy. «Awatar» we «Titanik» filmleriniň režissýory Netflix-iň filmleri diňe akademiýanyň düzgünlerine laýyk gelmek üçin gysga möhletleýin çäkli kinoprokata goýbermek tejribesini tankytlady...

şu gün 09:15
1k+

95 ýaşly amerikaly dünýäde iň garry awtobus sürüjisi diýlip ykrar edildi

Tehasyň 95 ýaşly ýaşaýjysy dünýäde iň garry awtobus sürüjisi diýlip ykrar edildi. Onuň üstünligi Ginnesiň rekordlar kitabynda bellendi. Ol işlemegini dowam etdirýär we entek pensiýa çykmagy meýilleşdirmeýär diýip, The Guardian habar berýär...